ريحة تشهي ونتيجة مبهرة.. طريقة مبتكرة لعمل المكرونة بالبشاميل بصوص كريمي ولحمة طرية

من بين الأطباق التي لا تغيب عن السفرة المصرية، تظل المكرونة بالبشاميل متربعة على العرش، خاصة لما تتميز به من طعم غني وشكل مشهي البعض يفضلها متماسكة والبعض الآخر يحبها سايحة وكريمية، واليوم نقدم لك وصفة ولا أسهل لتحضير المكرونة بالبشاميل السايحة بقوام ناعم وطعم يخطف القلوب.

وصفة ولا أسهل للمكرونة بالبشاميل الكريمي

هتقدري تعمليها في وقت قصير وبمكونات متوفرة في مطبخك، والنتيجة هتكون أكلة ولا أروع تحبها العيلة كلها من أول لقمة.

المكونات المطلوبة

• ½ كيلو مكرونة (اختاري النوع اللي بتحبيه)
• ½ كيلو لحم مفروم
• بصلة كبيرة مفرومة ناعم
• 4 ملاعق دقيق أبيض
• ملعقة زبدة كبيرة
• لتر حليب سائل
• 2 ملعقة صلصة طماطم
• مكعب مرقة دجاج أو لحم (اختياري)
• ملح وفلفل أسود حسب الرغبة
• كوب جبنة مبشورة (موزاريلا، شيدر، رومي أو خليط)
• 4 ملاعق زيت نباتي

خطوات التحضير

أولًا: تجهيز الحشوة

• في حلة على نار متوسطة، ضعي الزيت وسخنيه، ثم أضيفي البصل المفروم وقلبيه لحد ما لونه يصفر.
• زودي اللحم المفروم وقلّبي لحد ما يتغير لونه.
• ضيفي صلصة الطماطم وربع كوب ميه، ورشي عليهم الملح والفلفل وسيبيهم يكملوا تسوية على نار هادية.

ثانيًا: سلق المكرونة

• اغلي ماء في وعاء عميق مع شوية ملح وملعقة زيت.
• ضيفي المكرونة واسلقيها حسب الإرشادات على العبوة.
• بعد ما تستوي، صفيها واشطفيها بمية باردة علشان ما تكملش سواها.

ثالثًا: تحضير البشاميل الناعم

• في حلة تانية، سيحي الزبدة، وضيفي الدقيق وقلبي كويس لحد ما ياخد لون دهبي خفيف.
• صبي الحليب تدريجيًا مع التقليب المستمر لحد ما القوام يبقى ناعم وكريمي.
• ضيفي مكعب المرقة مع رشة ملح وفلفل، وكمّلي تقليب لحد ما الصوص يتقل ويبقى جاهز.